OSAGAIAK (4 lag.)
Olagarroa
200 g olagarro
oliba-olioa
2 baratxuri
Patatak
4 patata ertain
gatza
Gazta-krema
1/2 kg behi-gazta
1/2 l esne-gain
NOLA EGIN
Patata erreak
- Patatak garbitu, gatz larria eman eta aluminio-paperarekin bildu. Jarri erretilu batean, eta gehitu ur pixka bat. Labean sartu, 45-50 bat minutuz, 220º-250º-tan. Patatei labana bat sartu, eta, aise sartzen bada, patatak eginik egonen dira.
Olagarroa
- Moztu olagarroaren garroa takotan.
- Jarri zartagin bat sutan, olio pixka bat gehituta. Olioa bero-bero dagoenean, kendu zartagina sutatik eta gehitu olagarroa. Jarri su bizian, olagarroaren ur guztia lurrundu arte. Olagarroa zartaginean ongi itsatsi arte utzi; hori dela-eta, hobe da zartagin zahar bat erabiltzea.
- Olagarroa eginik dagoenean, gehitu olio pixka bat, eta gorritu baratxuri txikituak bertan.
Gazta-krema
- Jarri kazola batean esne-gaina gatz pixka bat gehituta, eta jarri sutan, irakiten hasi arte. Irakiten hasitakoan, gehitu behi-gazta zatitxotan, eta su eztian eduki, irakin gabe, gazta-zatiak urtu arte.
- Bukatzeko, irabiagailuarekin txikitu; jarri berriz sutan eta eman irakinaldi bat.
Platerean nola
- Moztu patata xerratan, azal eta guzti. Bota olio pixka bat gainean.
- Jarri olagarroa pataten gainean.
- Bota gazta-krema olagarroaren eta pataten gainean.
No comments:
Post a Comment