OSAGAIAK (12 lag.)
Bizkotxoa
170 g irin
150 g azukre
5 arrautza
1 poltsa legami
Kakao-saltsa
100 g kakao (garratza)
200 g ur
50 g azukre
Gazta-krema
½ l esne-gain
150 g azukre
250 g Mascarpone gazta
2 zuringo
2 gorringo
2 gelatina
3 kafe huts
1 kopa ron
NOLA EGIN
Bizkotxoa
- Ontzi batean, zuringoak harrotu. Beste batean, gorringoak harrotu, azukrearekin batera. Beste ontzi batean, irina eta legamia nahastu.
- Nahastu zuringo eta gorringo harrotuak, pixkanaka-pixkanaka. Gehitu irina zuringo eta gorringo harrotuei, pixkanaka-pixkanaka. Geldi-geldi nahastu, behetik gora.
- Igurtzi molde bat gurinarekin edo olioarekin eta zabaldu irin pixka bat, bizkotxoa ez itsasteko; bestela, erabili labeko papera (landare-papera).
- Gehitu orea moldera eta sartu labean, 180 gradutan, 40 minutuz-edo. Egindakoan, atera moldetik parrilla baten gainera. Hozten utzi.
- Kopetan jartzeko, xerratan moztu.
Kakao-saltsa
- Irakinarazi ura eltze batean, eta gehitu kakaoa eta azukrea. Ongi nahastu eta utzi hozten. Kopan jartzerakoan oso lodi badago, gehitu ur pixka bat.
Gazta-krema
- Ontzi batean, harrotu esne-gaina, azukrea gehituta.
- Jarri gelatina ur hotz pixka batean, beratzeko. Urtzeko, xurgatu duen urarekin berotu.
- Beste ontzi batean, harrotu zuringoak. Gehitu eta nahastu hurrenez hurren: gorringoak, Mascarpone gazta, esne-gain harrotua eta gelatina.
Kopa
- Prest eduki ontzi ontzi batean kafea eta rona nahastuta.
- Koparen ipurdia kakao-saltsaz estali.*
- Jarri bizkotxo-geruza bat, eta, brotxa bat erabilita, busti bizkotxo-geruza kafe eta ron nahasketarekin.
- Jarri krema-geruza bat..
- Jarri beste bizkotxo-geruza bat, eta busti kafe eta ron nahasketarekin.
- Jarri beste krema-geruza bat.
- Sartu hozkailuan, eta eduki bertan hainbat orduz, loditzeko. Aukeran, bezperan egin.
- Zerbitzatu baino lehen, bota kakao-hautsa gainean.
(*) Kopetan egin ordez molde batean eginez gero, kakao-saltsa zerbitzatzerakoan gehitu.
No comments:
Post a Comment