Arrain-salda
arrainaren burua eta hezurrak
3 tipula
oliba-olioa
ura
gatza
Baratxuri-zopa
8 baratxuri
2 piper txorizero
1 l arrain-salda
1 ogi (zopakoa)
1 lata tomate frijitu
4 arrautza
oliba-olioa
gatza
½ kg bakailao
NOLA EGIN
Arrain-salda
- Jarri sutan eltze batean arrainaren burua, hezurrak, eta ura. Hasieran ateratzen zaion aparra kendu.
- Moztu 3 tipula julianan eta potxatu, su bizi samarrean. Gorritutakoan, gehitu arrain-saldari eta utzi egosten. Zenbat eta gehiago egosi, hobe. Gatza eman.
Bakailaoa
- Moztu bakailaoa dadotan. Azala gorde, baratxuri-zopari gehitzeko.
Baratxuri-zopa
- Hidratatu piper txorizeroak ur berotan, egosi pixka batean.
- Moztu baratxuriak xerratan, eta oliotan gorritu. Baratxuriarekin batera gehitu bakailaoaren azala.
- Baratxuria gorritzen hasitakoan, gehitu tomatea eta piper txorizeroen mamia, eta eduki sutan, pixka batean.
- Gehitu zopako ogia, txikiturik. Zopako ogirik ez badugu, bezperako ogia erabili, txigorturik. Nahastu dena pixka bat, eta gehitu arrain-salda. Utzi egosten, eta, gatza behar badu, bota.
- Bukaeran, arrautzak gehitu, dena nahastu (ogia txikitu) eta egosi. Azkenik, gehitu bakailao-dadoak eta sua itzali; duen berotasunean eginen da bakailaoa.
No comments:
Post a Comment